Dolnoserbski Firefox instalěrowaś

  1. Dolnoserbske archiwowe wersije instalěrowaś

    2. Aby Firefox zeserbšćił, móžośo 2 droze hyś: Móžośo kompletny programowy archiw wužywaś (zip za Windows a tar.bz2 za Linuks) abo rěcny pakśik, aby južo instalěrowany Firefox zeserbšćił. Rěcny pakśik móžośo teke wužywaś, jolic drugi źěłański system ako Windows abo Linuks wužywaśo, kaž na pś. Mac OS X, za kótarež žeden programowy archiw k dispoziciji njestoj.

    • Archiw zip wupakowaś

    Aby archiwowu dataju zip (na pś. firefox-5.0.dsb.win32.zip) pód Windowsom wupakował, klikniśo jadnorje na ześěgnjenu dataju a wótpowědny program zwězany z kóńcowku zip se startujo. Wubjeŕśo celowy zarědnik abo pódajśo nowy zarědnik, źož se wupakowane dataje maju składowaś. Źiśo pótom do wubranego abo napóranego celowego zarědnika a startujśo "firefox.exe". Za stawne wužyśo napórajśo programowy zwisk na Desktopje. Klikniśo za to z pšaweju myšoweju tastu na prozne městno na Desktopje a zjawijo se kontekstowy meni. Wubjeŕśo zapisk "Neu" a pótom "Verknüpfung". Klikniśo na "Verknüpfung" a zaódawańske wokno "Verknüpfung erstellen" se zjawijo. Klikniśo něnto tam na tłocašk "Durchsuchen" a pytajśo zarědnik, do kótaregož sćo wupakowane dataje składł. Klikniśo pótom na dataju "firefox.exe", pótom na tłocašk "Öffnen". Něnto se kompletna sćažka w smužce "Befehlszeile" stoj. Klikniśo na "Weiter" a dalšne wokno z mjenim "Programmbezeichnung wählen" so zjewijo. Zapódajśo tam mě za programowy zwisk, na pś. Firefox 5.0 a klikniśo na tłocašk "Fertigstellen". Wokno se zacynijo a wuglědajośo zwisk Firefox 5.0 ze symbolom Firefox na Desktopje. Wótněnta móžośo Firefox pśecej z Desktopa startowaś.

    • Archiw tar.bz2 wupakowaś

    Pód Linuksom wupakujośo archiwowu dataju tar.bz2 z konsole abo terminalnego wokna. Pódajśo se do celowego zapisa z pśikazom cd <celowy zapis> a zapódajśo:

    tar -xvjf firefox-5.0.dsb.linux-i686.tar.bz2

    do zapódawańskego napominanja. Pod KDE móžośo teke grafiski kompriměrowański program kaž ARK wužywaś.

    Glědajśo: Jolic archiw njeinstalěrujośo do zapisa "Home", ale do drugego zapisa, trjebaśo pšawa administratora! Móžośo za to z konsole abo terminala pśikaz su zapódaś. Dejśo pótom swóje administratorowe gronidło zapódaś. Alternatiwnje móžośó se pśi startowanju Linuksa ako root pśizjawiś. Pódajśo se pótom do zapisa, źož su něnto wupakowane dataje a startujśo program Firefox pśez kliknjenje na zapisk "Firefox" (bźez datajoweje kóńcowki!)

  2. Dolnoserbski rěcny pakśik za Mozilla Firefox instalěrowaś

    3. Nawjedowanje za instalaciju namakajośo na na toś tom boku.