KEDŹBU! Nowy! Hornjoserbski Firefox 70.0 je wušoł! Sćehnjenske wotkazy na tutej stronje nalěwo.

Webwobhladowak Firefox hornjoserbsce

Što je Firefox?

Firefox je tak mjenowany browser, wobhladowak, to je program, z kotrymž móžeće sej internetne strony wobhladać. Druhe wobhladowaki su na přikład Google Chrome, Microsoft Edge, Internet Explorer a Opera.

Wot lěta 2014 je hornjoserbski Firefox oficielny, to rěka, wozjewja so na oficielnych stronach Mozilla. Ale stawizny přełožkow Firefox do hornjoserbšćiny je wo wjele starše - prěni přełožk je hižo w lěće 2005 wušoł.

Firefox je potomnik browseroweho komponenty něhdyšeje suity Mozilla, kotrejež dalewuwiće je SeaMonkey. Na rozdźěl wot SeaMonkey, kotryž je tak mjenowana suita, t. j. pakćik programow, je Firefox luty browser, kotryž wšak je rozšěrjomny přez přidatki (programowe rozšěrjenja, za wudospołnjenje jeho funkcionality, a drasty, za přeměnjenje jeho zwonkowneho napohlada) rozšěrić. Hłowne websydło za to je addons.mozilla.org, skrótka, AMO.

Oficielne websydło za Firefox je https://www.mozilla.org/hsb/firefox/desktop/. Jeli chceće so němsce informować, wobhladajće sej wotpowědne němske websydło www.camp-firefox.de. Namakaće tam němskorěčny forum k programej Firefox: http://www.camp-firefox.de/forum.Tam móžeće tež němskorěčny Firefox sćahnyć.

Firefox je za wšelake dźěłowe systemy (Windows, Linux, Mac OS X atd.). Přehlad wo cuzorěčnych wersijach za dźěłowe systemy Windows, Linux a Mac OS X namakaće na https://www.mozilla.org/hsb/firefox/all/, pod zapiskom Upper Sorbian tež za hornjoserbšćinu.